Türkmenbaşy jins toplumy

Türkmenistanyň daşary işler ministri Raşid Meredow, Eýran Yslam Respublikasynyň täze prezidenti Masud Pezeşkianyň wezipe girişmek dabarasyna gatnaşmak üçin Tährana geldi. Dabara şu gün Eýran parlamentinde geçirilmegi meýilleşdirilýär. Ol Eýranyň ruhy lideri Aýatolla Ali Hameneýi tarapyndan Pezeşkianyň döwlet baştutany hökmünde tassyklanmagyndan soň geçiriler diýip, Mehr habar berýär.

Raşid Meredowyň sapary Türkmenistanyň Prezidenti Serdar Berdimuhamedowyň 26-njy iýulda hökümet mejlisinde gol çeken buýrugy esasynda amala aşyrylýar. Türkmenistanyň Prezidenti Eýranyň biziň ýurdumyzyň iň ýakyn goňşularynyň we hyzmatdaşlarynyň biridigini we onuň bilen dostlukly we doganlyk gatnaşyklarynyň ýola goýlandygyny nygtady.

Belläp geçsek, Raşid Meredow şeýle-de Türkmenistanyň wise-premýeri wezipesini eýeleýär we türkmen tarapyndan türkmen-eýran ykdysady hyzmatdaşlyk boýunça toparynyň başlygy bolup durýar.

19 ýaşly Türkmenistanly türgen Maýsa Pardaýewa, 2024-nji ýylyň Olimpiýa oýunlaryndaky çykyşlaryny 1/8 finalda tamamlady. Olimpiýa oýunlaryna ilkinji gezek gatnaşýan türgen birinji tapgyrda hytaýly dzýudoçy Kaý Tsi-dan üstün çykmagy başardy.

Ikinji tapgyrda Pardaýewa has tejribeli dzýudoçy - 32 ýaşly braziliýaly, 2016-njy ýylyň Olimpiýa çempiony we iki gezek dünýä çempiony Rafaela Silwa bilen duşuşdy. Ýiti göreşe garamazdan, türkmen türgenine öz bäsdeşini ýeňmek başartmady.

Pardaýewa üçin bu Olimpiýa oýunlary ilkinjisi bolsa-da, onuň eýýäm halkara ýaryşlarynda baý tejribesi bar. Ol 2023-nji ýylda Guançžouda geçirilen XIX tomusky Aziýa oýunlarynda bürünç medal gazandy.